14-15 ოქტომბერს, იუსტიციის უმაღლესი სკოლის წყალტუბოს რეგიონულ სასწავლო ცენტრში, სასამართლოს მოხელეებისთვის გაიმართა ტრენინგი თემაზე: „წარმატების მიღწევის უნარები“.
სემინარზე ექსპერტებად მოწვეული იყვნენ: თბილისის სააპელაციო სასამართლოს თავმჯდომარის ბიუროს უფროსი უჩა თოდუა და თბილისის სააპელაციო სასამართლოს თავმჯდომარის ბიუროს კონსულტანტი თამარ ერგემლიძე.
ღონისძიებაში მონაწილეობა მიიღო 17-მა სასამართლოს მოხელემ: თბილისის საქალაქო, სოხუმისა და გაგრა-გუდაუთის და ხაშურის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.