14-15 ოქტომბერს, იუსტიციის უმაღლეს სკოლაში, გერმანიის საერთაშორისო თანამშრომლობის საზოგადოების (GIZ) და პროექტის - „კანონის უზენაესობის მხარდაჭერა საქართველოში“ (PROLoG) თანამშრომლობის ფარგლებში, მოსამართლეთათვის გაიმართა ტრენინგი თემაზე: „საკორპორაციო/სამეწარმეო სამართალი“.
ტრენერთა ტრენინგის მესამე ეტაპს უძღვებოდნენ: საქართველოს უზენაესი სასამართლოს მოსამართლე ნინო ბაქაქური და ადვოკატი, ასოცირებული პროფ. სამართლის დოქტორი - იურიდიული ფირმა FLS Full legal service მმართველი პარტნიორი ლაშა ცერცვაძე.
ტრენერთა ტრენინგის დასრულების შემდგომ, ღონისძიების მონაწილე მოსამართლეები საკორპორაციო/სამეწარმეო სამართლის თემაზე სპეციალურ სასწავლო კურსს ჩაატარებენ კოლეგა მოსამართლეებისა და სასამართლოს მოხელეებისთვის.