ტრენინგი შრომის კანონმდებლობაზე (eng)

იუსტიციის უმაღლეს სკოლაში 19-20 ივნისს, შრომის კანონმდებლობაზე მოსამართლეებისთვის ტრენინგი ჩატარდა, სადაც  ექსპერტებად მოწვეულნი იყვნენ ბირგიტ ფოსკულერი - მოსამართლე, ჰამბურგის მიწის შრომის სასამართლოს თავმჯდომარე  და თამარ ხაჟომია - მცხეთის რაიონული სასამართლოს მოსამართლე.

ტრენინგზე განხილულ თემებს წარმოადგენდა შრომითი ხელშეკრულების შინაარსი და მისი შეცვლა, გამოსაცდელი ვადა, შრომითი ხელშეკრულების გაბათილება, ვადიანი შრომითი ხელშეკრულებები, დასაქმებულთა დათხოვნა - შრომითი ხელშეკრულების შეწყვეტა/მოშლა, შრომითი ხელშეკრულება/ნარდობის გამიჯვნა და მტკიცებულებების წარმოდგენის ტვირთი შრომის სამართლის დავებში.

იუსტიციის უმაღლესმა სკოლამ ტრენინგს ორგანიზება გერმანიის საერთაშორისო თანამშრომლობის საზოგადოების (GIZ) მხარდაჭერით გაუწია.