მიმდინარე წლის 14 დეკემბერს, 12:00 საათზე, იუსტიციის უმაღლეს სკოლაში გაიმართება ტრენინგ სახელმძღვანელოს - „საქართველოს შრომის სამართალი და საერთაშორისო შრომის სტანდარტები“ პრეზენტაცია.
სახელმძღვანელო შემუშავდა იუსტიციის უმაღლესი სკოლისა და შრომის საერთაშორისო ორგანიზაციის თანამშრომლობის ფარგლებში. 2015 წელს დაწყებული მუშაობის შედეგად, მოსამართლეთათვის და სასამართლოს მოხელეებისთვის შრომის სამართლის თემაზე შემუშავდა სასწავლო მოდული, ხოლო მოგვიანებით შეიქმნა სპეციალური-ტრენინგ სახელმძღვანელო.
როგორც სასწავლო მოდულზე, ასევე სახელმძღვანელოზე იმუშავა ექსპერტების ჯგუფმა, რომელშიც შედიოდნენ იუსტიციის უმაღლესი სკოლის მიერ წარდგენილი ქართველი მოსამართლე/ექსპერტები, ასევე შრომის საერთაშორისო ორგანიზაციის როგორც საერთაშორისო, ასევე ადგილობრივი ექსპერტები.
სახელმძღვანელო, იუსტიციის უმაღლესი სკოლის მიერ გამოყენებული იქნება შრომის სამართლის თემაზე, როგორც მოსამართლეთა ასევე სასამართლოს სხვა მოხელეთა პროფესიული ტრენინგების ძირითადი ლიტერატურა.
