მიმდინარე წლის 26-29 მარტს, ევროკავშირის მიერ მხარდაჭერილი პროექტის - „სამოსამართლო სწავლების ხელშეწყობა ტვინინგის პროექტის მეშვეობით“ ფარგლებში, იუსტიციის უმაღლეს სკოლაში მიმდინარეობს ტრენერთა ტრენინგი თემაზე „ზრდასრულთა სწავლების მეთოდოლოგია“.
ტრენინგზე ექსპერტად მოწვეულია გერმანიის საჯარო მოხელეთა ასოციაციის აკადემიის დირექტორი - ჰანს რიგერი. ტრენინგი ეხება ზრდასრულთა სწავლების თანამედროვე მეთოდებს, მათ სწორ შერჩევას და სწავლების ხარისხის გაუმჯობესებას მათი იმპლემენტაციის საფუძველზე.
მიმდინარე ტრენინგის ფარგლებში გადამზადებული ქართველი მოსამართლე-ექსპერტები ამავე თემაზე მომავალში ჩაატარებენ ტრენინგს სხვა ქართველი მოსამართლეებისთვის.
