13 და 14 აპრილს, იუსტიციის უმაღლეს სკოლაში, ევროკავშირის მიერ მხარდაჭერილი პროექტის - ,,სამოსამართლო სწავლების ხელშეწყობა ტვინინგის პროექტის მეშვეობით“ ადმინისტრაციული სამართლის სპეციალიზაციის მოსამართლეებისთვის გაიმართა ტრენინგი თემაზე: „გარემოს დაცვასთან დაკავშირებული საკითხები ადმინისტრაციულ სამართალში“.
სემინარზე ექსპერტებად მოწვეული იყვნენ: თბილისის სააპელაციო სასამართლოს მოსამართლეები: გიორგი ტყავაძე და შოთა გეწაძე, თბილისის საქალაქო სასამართლოს მოსამართლე ლეილა მამულაშვილი, საფრანგეთის სახელმწიფო საბჭოს (Le Conseil d’Etat) ექსპერტი/მოსამართლე ოლივერ ჟაპიო და ექსპერტი მაია ბითაძე.
ღონისძიებაში მონაწილეობა მიიღეს მოსამართლეებმა: ქუთაისის სააპელაცო, თბილისის, ქუთაისისა და რუსთავის საქალაქო, ზესტაფონის, ახალქალაქის, ახალციხის, ხაშურის, გორისა და თელავის რაიონული სასამართლოებიდან.
ტრენინგი, 2019 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
