იუსტიციის უმაღლესი სკოლა დაარსდა 2006 წლის აპრილში. მისი სტრუქტურა, ორგანიზაციული მოწყობა და საქმიანობა რეგულირდება ,,საერთო სასამართლოების შესახებ“ საქართველოს ორგანული კანონით და იუსტიციის უმაღლესი სკოლის წესდებით. (იუსტიციის უმაღლესი სკოლის წესდება ამ ეტაპზე, განახლების პროცესშია)
იუსტიციის უმაღლესი სკოლის დაარსების მთავარი მიზანი იყო მოსამართლეების დანიშვნის ახალი, დამსახურებაზე დაფუძნებული სისტემის შექმნა და მოქმედი მოსამართლეებისა და სასამართლოს სხვა თანამშრომლების პროფესიული ტრენინგების ინსტიტუციონალიზაცია.
იუსტიციის უმაღლესი სკოლის დაარსება განხორციელდა ევროპის საბჭოს ინიციატივითა და მხარდაჭერით, რაც თავის მხრივ, გულისხმობს საქართველოში მართლმსაჯულების სფეროს მაღალკვალიფიციური კადრებით უზრუნველყოფისათვის ძლიერი, ევროპული მოდელის ინსტიტუტის არსებობას.
