2 და 3 ივლისს, იუსტიციის უმაღლესი სკოლისა და შრომის საერთაშორისო ორგანიზაციის (ILO) თანამშრომლობის ფარგლებში, თბილისში, სასტუმრო „რუმსში“ მოსამართლეებისთვის ტრენინგი თემაზე: „საერთაშორისო შრომის სტანდარტები და საქართველოს შრომის კოდექსი“ გაიმართა.
სემინარზე ექსპერტებად მოწვეული იყვნენ ქართველი და უცხოელი ექსპერტები.
შეხვედრა ინტერაქტიულ რეჟიმში გაიმართა და განიხილული იქნა საკითხები: საერთაშორისო შრომითი სტანდარტების სასამართლო გამოყენება, შედარებითი მიდგომა; შრომის კოდექსის ახალი მუხლები შრომითი დისკრიმინაციის აკრძალვასთან დაკავშირებით; შრომის კოდექსით გათვალისწინებული აღსრულების მექანიზმები და სანქციები; შრომის ინსპექციის შესახებ საქართველოს კანონი და სხვა.
ღონისძიებაში მონაწილეობა მიიღეს მოსამართლეებმა: თბილისის სააპელაციო, თბილისის და რუსთავის საქალაქო, სოხუმისა და გაგრა-გუდაუთის, ახალციხის, გორის, მცხეთისა და თელავის რაიონული სასამართლოებიდან.
