მიმდინარე წლის, 19 და 20 ნოემბერს, იუსტიციის უმაღლესი სკოლისა და ევროპის საბჭოს (CoE) პროექტის „სისხლის სამართლის მართლმსაჯულების რეფორმის მხარდაჭერა სასამართლო რეფორმის სისხლისამართლებრივი ასპექტები“-ს თანამშრომლობის ფარგლებში, შეკვეთილში სასტუმრო „პარაგრაფი“, მოსამართლეებისთვის ტრენინგი თემაზე: „სისხლის სამართლის აქტუალური საკითხები და მნიშვნელოვანი განმარტებები ადგილობრივ და საერთაშორისო დონეზე“ გაიმართა.
სემინარს უძღვებოდნენ ქართველი მოსამართლე ტრენერი და ქართველი ექსპერტი.
შეხვედრა ინტერაქტიულ რეჟიმში მიმდინარეობდა, მონაწილეებმა განიხილეს საკითხები: სიცოცხლისა და ჯანმრთელობის წინააღმდეგ მიმართული დანაშაულები; თავისუფლებისა და უსაფრთხოების უფლება; უზენაესი სასამართლოს განმარტებები და პრობლემატური საკითხები სისხლის სამართლის კოდექსის მუხლებზე (ზოგადი ნაწილი, ადამიანის წინააღმდეგ მართული დანაშაულები, ოჯახური ძალადობა და ა.შ) და სხვა.
ტრენინგში მონაწილეობა მიიღეს მოსამართლეებმა: ქუთაისის სააპელაციო, ბათუმის, ფოთისა და ქუთაისის საქალაქო, ოზურგეთის, ზუგდიდის, ზესტაფონისა და საჩხერის რაიონული სასამართლოებიდან.
ტრენინგი, 2022 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისიწნებული.
