მიმდინარე წლის 28 და 29 იანვარს, იუსტიციის უმაღლეს სკოლაში, სასამართლოს მოხელეებისთვის ტრენინგი თემაზე: „ვალდებულებითი სამართლის პრობლემატური საკითები“ გაიმართა.
ტრენინგს უძღვებოდნენ ქართველი მოსამართლე ტრენერები.
შეხვედრა ინტერაქტიულ რეჟიმში მიმდინარეობდა. დისკუსიისა და ბრეინშტორმინგის ფარგლებში მონაწილეებმა განიხილეს საკითხები: ხელშეკრულების დადება; ხელშეკრულების მხარეთა ნების ავტონომიის ფარგლები; ხელშეკრულების შინაარსის განსაზღვრა სამართლიანობის საფუძველზე; უფლების ბოროტად გამოყენება (შიკანა); კრედიტორთა და მოვალეთა სიმრავლე ვალდებულებაში; სოლიდარული კრედიტორები; სახელშეკრულებო შეთანხმება სანქციებზე, პირგასამტეხლო და სხვა.
სემინარში მონაწილეობა მიიღეს სასამართლოს მოხელეებმა: თბილისის სააპლეციო, თბილისის და ქუთაისის საქალაქო და გორის რაიონული სასამართლოებიდან.
ტრენინგი, 2023 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისიწნებული.
