მიმდინარე წლის 11 და 12 თებერვალს, იუსტიციის უმაღლესი სკოლის, USAID-ის ეკონომიკური მმართველობის პროგრამისა და ინვესტორთა საბჭოს თანამშრომლობის ფარგლებში, კახეთში - სასტუმრო „ყვარელის ტბა“ , მოსამართლეებისთვის სამუშაო შეხვედრა თემაზე: „მეწარმეთა შესახებ საქართველოს კანონის აღსრულების პროცესთან დაკავშირებით“ გაიმართა.
დისკუსიის ფარგლებში განხილული იქნა საკითხები: ,,მეწარმეთა შესახებ“ საქართველოს კანონიდან გამომდინარე წარმოშობილი ზოგიერთი საკითხები :პარტნიორის გასვლა საზოგადოებიდან და სასამართლოს მიერ დავის განხილვა; პარტნიორის გარიცხვა საზოგადოებიდან და სასამართლოს მიერ დავის განხილვა; სასამართლოს მიერ განჩინების საფუძველზე დირექტორის დანიშვნა; დირექტორის ფიდუციური მოვალეობები (კეთილსინდისიერება, ერთგულება, ზრუნვა); დივიდენდების განაწილებასთან დაკავშირებული დავები და სხვა.
სამუშაო შეხვედრაში მონაწიეობა მიიღეს მოსამართლეებმა: საქართველოს უზენაესი სასამართლოს, თბილისის და ქუთაისის სააპელაციო და თბილისის საქალაქო სასამართლოებიდან.
