მიმდინარე წლის 22 და 23 აპრილს, იუსტიციის უმაღლეს სკოლაში, სასამართლოს მოხელეებისთვის ტრენინგი თემაზე: „გაეროს შეზღუდული შესაძლებლობის მქონე პირთა უფლებების დაცვის კონვენცია“ გაიმართა.
სემინარს უძღვებოდნენ ქართველი მოსამართლე ტრენერები.
დისკუსიისა და ბრეინშტორმინგის ფარგლებში მონაწილეებმა განიხილეს ისეთი საკითხები როგორებიცაა: ქმედუნარიანობა, ინდივიდის ინდივიდუალური შესაძლებლობა; სამედიცინო მოდელიდან სოციალურ-მოდელამდე; გაეროს შეზღუდული შესაძლებლობების მქონე პირთა უფლებების დაცვის კონვენცია; ეროვნული კანონმდებლობა --- თანამედროვე სამოქალაქო კოდექსი და ქმედუნარიანობა; შეზღუდული შესაძლებლობების მქონე პირები სამართლებრივი პროცედურის დროს და სხვა.
შეხვედრაში მონაწილეობა მიიღეს სასამართლოს მოხელეებმა: თბილისის და ქუთაისის სააპელაციო, ბათუმის და ქუთაისის საქალაქო, ხელვაჩაურის, ოზურგეთის, ზუგდიდის, ახალციხის, საჩხერისა და თელავის რაიონული სასამართლოებიდან.
ტრენინგი, 2023 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისიწნებული.
