19, 20 და 21 მაისს, იუსტიციის უმაღლესი სკოლის, გაეროს ბავშვთა ფონდისა და ევროკავშირის მიერ დაფინანსებული პროექტის - „სისხლის სამართლის პროფესიონალების შესაძლებლობების გაუმჯობესება დანაშაულის მსხვერპლი და მოწმე ბავშვის მიმართ, ბავშვზე მორგებული მართლმსაჯულების მიდგომების ეფექტური გამოყენების გზით“ ფარგლებში, წყალტუბოს რეგიონულ სასწავლო ცენტრში, მოსამართლეებისთვის ტრენინგი თემაზე: „დანაშაულისა და ძალადობის და მოწმე ბავშვების მონაწილეობით საქმეთა განხილვა სასამართლოში“ გაიმართა.
სემინარს უძღვებოდნენ ქართველი მოსამართლე ტრენერები.
მონაწილეებმა განიხილეს ისეთი საკითხები, როგორებიცაა: ბავშვის უფლებათა საერთაშორისო ინსტრუმენტები და ეროვნული კანონმდებლობა; ბავშვის განვითარება და ფსიქოლოგიური ასპექტები; ბავშვის დაკითხვა/გამოკითხვასთან დაკავშირებული საკითხები და სხვა.
შეხვედრაში მონაწილეობა მიიღეს მოსამართლეებმა: ქუთაისის სააპელაციო, თბილისის, ქუთაისისა და ბათუმის საქალაქო, ხელვაჩაურის, ზუგდიდისა და სამტრედიის რაიონული სასამართლოებიდან.
ტრენინგი, 2023 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
პროექტს ახორციელებს - საქართველოს საზოგადოებრივი ჯანდაცვის ფონდი (PHF).
