15 და 16 ივლისს, იუსტიციის უმაღლეს სკოლაში, მოსამართლეებისთვის და სასმართლოს მოხელეებისთვის ტრენინგი თემაზე: „გამოხატვის თავისუფლება, მათ შორის სიძულვილის ენასთან დაკავშირებული საკითხები“ გაიმართა.
სემინარს უძღვებოდნენ ქართველი მოსამართლე ტრენერები.
ბრეინშტორმინგისა და დისკუსიის ფარგლებში მონაწილეებმა განიხილეს საკითხები: გამოხატვის თავისუფლების როლი დემოკრატიულ საზოგადოებაში; გამოხატვის თავისუფლების შეზღუდვის საპატიო გარემოებები; ჟურნალისტებისა და სხვა მედია აქტორების გამოხატვის თავისუფლება მანიფესტაციებისა და სხვა კრიზისული ვითარების დროს; პოლიტიკური გამოხატვის თავისუფლება; რელიგიური გრძნობები და გამოხატვის თავისუფლება და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: თბილისის, ბათუმის, ქუთაისისა და რუსთავის საქალაქო, გორის, სიღნაღისა და თელავის რაიონული სასამართლოებიდან.
ტრენინგი, 2023 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
