მიმდინარე წლის 14 და 15 ოქტომბერს, იუსტიციის უმაღლეს სკოლაში, მოსამართლეებისთვის ტრენინგი თემაზე: „ადამიანის უფლებათა ევროპული სასამართლოს პრეცენდენტული გადაწყვეტილებები (სამოქალაქო/ადმინისტრაციული)“ გაიმართა.
სემინარს უძღვებოდნენ ქართველი მოსამართლე ტრენერები.
დისკუსიის ფარგლებში მონაწილეებმა განიხილეს საკითხები: ევროპული სასამართლოს გადაწყვეტილებების გავლენა საქართველოს კანონმდებლობაზე და სასამართლო პრაქტიკაზე; ადამიანის უფლებათა ევროპული კონვენცია, მე- 6 მუხლი სამართლიანი სასამართლოს უფლება - სამოქალაქო საქმეებზე; ადამიანის უფლებათა ევროპული კონვენციის მე-9 მუხლი - აზრი, სინდისისა და რელიგიის თავისუფლება; ოქმი 1, მუხლი 1 -საკუთრების უფლება; ადამიანის უფელბათა ევროპული კონვენციის მე8 მუხლი- პირადი და ოჯახური ცხოვრების დაცულობის უფლება და სხვა.
სემინარს ესწრებოდნენ მოსამართლეები: თბილისის სააპელაციო, თბილისის საქალაქო, ხაშურის, გორის, ბოლნისის, გურჯაანისა და თელავის რაიონული სასამართლოებიდან.
ტრენინგი, 2023 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისიწნებული.
