მიმდინარე წლის 13 და 14 აპრილს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „მედიაცია, საქმეების გადაცემა მედიაციაში და სამოქალაქო სამართალწარმოების აქტუალური საკითხები“ გაიმართა.
სემინარს უძღვებოდნენ ქართველი მოსამართლე ტრენერები.
დისკუსიისა და ბრეინშტორმინგის ფარგლებში მონაწილეებმა განიხილეს საკითხები: მედიაციის არსი, ძირითადი პრინციპები, პროცესის სტადიები; მოსამზადებელი/მთავარი სხდომა; სარჩელთა კლასიფიკაცია და დასაშვებობა; მედიაცია და სასამართლო მორიგება; მხარეთა ინფორმირებულობა/შეტყობინება/დაბარება სასამართლოში და სხვა .
შეხვედრას ესწრებოდნენ მოსამართლეები და სასამართლოს მოხელეები: თბილისის და ქუთაისის სააპელაციო, ფოთისა და რუსთავის საქალაქო, გურჯაანის, სიღნაღისა და ბოლნისის რაიონული სასამართლოებიდან.
ტრენინგი, 2024 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
