მიმდინარე წლის 27 და 28 აპრილს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „სქესობრივი დანაშაული“ გაიმართა.
სემინარს უძღვებოდნენ ქართველი მოსამართლე ტრენერები.
მონაწილეებმა შეხვედრის დროს განიხილეს აქტუალური საკითხები: ქალთა მიმართ ძალადობის სხვადასხვა ფორმა, ოჯახის წევრის განმარტება, მსხვერპლი ბავშვი; საქართველოს კანონი „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“; სექსუალური შევიწროვება; მტკიცების სტანდარტები, საქართველოს სასამართლო პრაქტიკის განხილვა; ქალთა მართლმსაჯულებაზე წვდომა და სასამართლო სტერეოტიპების გავლენის შემცირება; ადამიანის უფლებათა ევროპული სასამართლოსა და CEDAW კომიტეტის მნიშვნელოვანი განმარტებები ოჯახში ძალადობის საქმეებზე და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: თბილისის სააპელაციო, ქუთაისისა და რუსთავის საქალაქო, გორისა და მცხეთის რაიონული სასამართლოებიდან.
ტრენინგი, 2024 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
