მიმდინარე წლის 8 ივნისს, იუსტიციის უმაღლეს სკოლაში, მოსამართლეებისთვის ტრენინგი თემაზე:საქართველოს საკონსტიტუციო სასამართლოს მნიშვნელოვანი გადაწყვეტილებები (სისხლის სამართალი), ხოლო 9 ივლისს, „საქართველოს საკონსტიტუციო სასამართლოს მნიშვნელოვანი გადაწყვეტილებები (სამოქალაქო/ადმინისტრაციული სამართალი)“ გაიმართა.
სემინარს უძღვებოდა ქართველი მოსამართლე ტრენერი
შეხვედრის ფარგლებში მონაწილეებმა განიხილეს ისეთი მნიშვნელოვანი საკითხები, როგორებიცაა: გადაწყვეტილებები რომელთაც გამოიწვიეს საქართვლოს ზოგადი ადმინისტრაციული, საქართველოს ადმინისტრაციული საპროცესო და საქართვლოს ადმინისტრაციულ სამართალდარღვევათა კოდექსების ცვლილებები; გადაწყვეტილებები, რომელთაც გამოიწვიეს საქართველოს სამოქალაქო და სამოქალაქო საპროცესო კოდექსების ცვლილებები; ზოგადი ინფორმაცია საქართველოს საკონსტიტუციო სასამართლოს შესახებ; გადაწყვეტილებები რომელთაც გამოიწვიეს საქართველოს სისხლის სამართლის და სისხლის სამართლის საპროცესო კოდექსების ცვლილებები და სხვა მნიშვნელოვანი გადაწყვეტილებები.
სემინარში მონაწილეობდნენ მოსამართლეები: თბილისის, ქუთაისის, რუსთავისა და ფოთის საქალაქო, საჩხერის, ხაშურის, ბოლნისის, გურჯაანისა და თელავის რაიონული სასამართლოებიდან.
ტრენინგი, 2024 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
