მიმდინარე წლის 30 ივნისს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „საგადასახადო სამართალდარღვევები და საგადასახადო დავები - საგადასახადო დავების პრობლემური საკითხები“ გაიმართა.
სემინარს უძღვებოდა ქართველი მოსამართლე ტრენერი.
შეხვედრის ფარგლებში მონაწილეებმა განიხილეს საკითხები: საგადასახადო სამართალდარღვევის ლეგალური დეფინიცია; შედარება სხვა სამართალდარღვევებთან; ბრალის საკითხი საგადასახადო სამართალდარღვევისათვის პასუხისმგებლობის დაკისრებისას; საგადასახადო სამართალდარღვევასთან დაკავშირებული სამართალწარმოების საკითხები და საგადასახადო სამართალდარღვევებთან დაკავშირებით საქართველოს უზენაესი სასამართლოს პრაქტიკის მიმოხილვა;
აღნიშნულ ღონისძიებაში მონაწილეობა მიიღეს მოსამართლეებმა და სასამართლოს მოხელეებმა: თბილისის სააპელაციო, თბილისის, ქუთაისისა და რუსთავის საქალაქო, თელავისა და ბოლნისის რაიონული სასამართლოებიდან.
ტრენინგი, 2024 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
