18 და 20 იანვარს, იუსტიციის უმაღლესი სკოლის ორგანიზებით, მოსამართლეებისთვის ონლაინ ტრენინგი თემაზე: „არასრულწლოვანთა მართლმსაჯულება“ გაიმართა.
სემინარს უძღვებოდა ქართველი მოსამართლე ტრენერი.
დისკუსიის ფარგლებში მონაწილეებმა განიხილეს საკითხები: მოზარდთა ანტისოციალური ქცევის ფსიქოლოგიური ასპექტები. დამცავი და რისკ-ფაქტორები; ბავშვის ფსიქო სოციალური და მორალური განვითარების ეტაპები. მორალური დილემა; ასაკობრივი თავისებურებების გავლენა არასრულწლოვანის ქცევაზე; ბაზისური წარმოდგენები ბავშვზე ძალადობის შესახებ. ძალადობა ოჯახში; ბავშვის განვითარების მახასიათებლები - შესაძლებლობები და შეზღუდვები; დაზარალებული/მოწმე ბავშვის გამოკითხვის თავისებურებები - რა არის NICHD პროტოკოლი : სტრუქტურა, განმარტებები ეფექტური, “სარისკო“ და მიუღებელი კითხვების შესახებ; არასრულწლოვანთა მართლმსაჯულების კოდექსის დეტალური მიმოხილვა და სხვა.
ონლაინ შეხვედრაში მონაწილეობა მიიღეს მოსამართლეებმა: თბილისის, ბათუმისა და ქუთაისის საქალაქო, ხელვჩაურის, ზუგდიდის, ზესტაფონის, ცაგერის, ამბროლაურის, საჩხერის, ხაშურის, მცხეთის, ბოლნისის, გურჯაანისა და თელავის რაიონული სასამართლოებიდან.
ტრენინგი, 2025 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
