29 და 30 მარტს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „გადაწყვეტილების დასაბუთება სამოქალაქო სამართალში“ გაიმართა.
სემინარს უძღვებოდა ქართველი მოსამართლე ტრენერი.
დისკუსიისა და ბრეინშტორმინგის ფარგლებში მონაწილეებმა განიხილეს საკითხები: გადაწყვეტილების მიღება და დასაბუთება რელაციის პრინციპებით პირველი ინსტანციის სასამართლოსთვის. რელაციის მეთოდის ეტაპები: მოსარჩელის სტადი; აღსრულებადი სასარჩელო მოთხოვნა; სარჩელის დასაშვებობა; სარჩელის უზრუნველყოფა; მოთხოვნის დამფუძნებელი ნორმა და ამ ნორმის ქვეშ სუბსუმირებადი ფაქტობრივი გარემოებები; მოსარჩელის მოთხოვნის დამფუძნებელი ნორმის დისპოზიციის ელემენტების შეფასება; პირველი ინსტანციის სასამართლოს გადაწყვეტილების/განჩინების სტრუქტურა და დასაბუთება; სააპალაციო სასამართლოს გადაწყვეტილების სტრუქტურა და დასაბუთება და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: თბილისის სააპალაციო, თბილისის, ქუთაისისა და ფოთის საქალაქო, ხელვაჩაურის, ხაშურის, გორის, ბოლნისისა და თელავის რაიონული სასამართლოებიდან.
ტრენინგი, 2025 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
