გამოხატვის თავისუფლება, მათ შორის სიძულვილის ენასთან დაკავშირებული საკითხები

მიმდინარე წლის 24 და 25 მაისს, იუსტიციის უმაღლეს სკოლაში, სასამართლოს მოხელეებისთვის ტრენინგი თემაზე: „გამოხატვის თავისუფლება, მათ შორის სიძულვილის ენასთან დაკავშირებული საკითხები“ გაიმართა.

სემინარს უძღვებოდნენ ქართველი მოსამართლე ტრენერები.

დისკუსიისა და ბრეინშტორმინგის ფარგლებში მონაწილეებმა განიხილეს საკითხები: გამოხატვის თავისუფლების როლი დემოკრატიულ საზოგადოებაში;გამოხატვის თავის უფლების შეზღუდვის საპატიო გარემოებები;  გამოხატვის თავისუფლება მედიის სფეროში; ჟურნალისტებისა და სხვა მედია აქტორების გამოხატვის თავისუფლება მანიფესტაციებისა და სხვა კრიზისული ვითარების დროს; მართლმსაჯულების კრიტიკის ფარგლები; მოსამართლის გამოხატვის თავისუფლება; საქართველოსთან მიმართებით ევროპული სასამართლოს მიერ მე-10 მუხლზე მიღებული ძირითადი გადაწყვეტილებების მიმოხილვა და სხვა.

შეხვედრაში მონაწილეობა მიიღეს სასამართლოს მოხელეებმა: თბილსის სააპელაციო, თბილისის და ქუთაისის საქალაქო, ხელვაჩაურისა და გორის რაიონული სასამართლოებიდან.

ტრენინგი, 2025 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.