მიმდინარე წლის 21 და 22 ივნისს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „სიძულვილის მოტივით ჩადენილი დანაშაული“ გაიმართა.
სემინარს უძღვებოდა ქართველი მოსამართლე ტრენერი.
დისკუსიის ფარგლებში მონაწილეებმა განიხილეს საკითხები: საერთაშორისო საკანონმდებლო ჩარჩო (კონვენციები: გაეროს; ევროსაბჭოს; ეუთოს კომიტეტები და კომისების ანგარიშები/რეკომენდაციები); საქართველოს კანონმდებლობა (კონსტიტუცია, სსკ კანონი დისკრიმინაციის ყველა ფორმის აღმოფხვრის შესახებ, კანონი პაციენტთა უფლებების შესახებ და სხვა); სიძულვილით მოტივირებული დანაშაულის გამოძიებასთან დაკავშირებული თავისებურებანი და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: თბილისის სააპელაციო, თბილისის და რუსთავის საქალაქო, ცაგერის, საჩხერის, გორის, გურჯაანისა და სღნაღის რაიონული სასამართლოებიდან.
ტრენინგი, 2025 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
