21 და 22 ივნისს, იუსტიციის უმაღლეს სკოლაში, სასამართლოს მოხელეებისთვის ტრენინგი თემაზე: „დისკრიმინაციისა და სექსუალური შევიწროების აღმოფხვრა და საქართველოს მართლმსაჯულების სისტემა’’ გაიმართა.
სემინარს უძღვებოდა ქართველი მოსამართლე ტრენერი.
შეხვედრის ფარგლებში მონაწილეებმა განიხილეს შემდეგი საკითხები: დისკრიმინაციის ყველა ფორმის აღმოფხვრის შესახებ საქართველოს კანონის ზოგადი მიმოხილვა; დისკრიმინაციის არსი, არახელსაყრელი მოპყრობა და განსხვავებული მოპყრობა; კანონის მოქმედების სფერო და დისკრიმინაციის ფორმები: პირდაპირი, ირიბი, ვიქტიმიზაცის, ასოციაციით დისკრიმინაცია და ა.შ, დისკრიმინაციის წახალისება, უარი გონივრულ მისადაგებაზე და სხვა.
ღონისძიებაში მონაწილეობა მიიღეს სასამართლოს მოხელეებმა: თბილისის და ქუთაისის სააპელაციო, თბილისის და ქუთაისის საქალაქო სასამართლოებიდან.
ტრენინგი, 2025 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
