მიმდინარე წლის 8, 9 და 15 ნოემბერს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „დანაშაულისა და ძალადობის მსხვერპლი და მოწმე ბავშვების მონაწილოებით საქმეთა განხილვა სასამართლოში“ გაიმართა.
სემინარს უძღვებოდნენ ქართველი მოსამართლე ტრენერები.
დისკუსიისა და ჯგუფური სავარჯიშოების ფარგლებში, მონაწილეებმა განიხილეს შემდეგი საკითხები: ბავშვის უფლებათა საერთაშორისო ინსტრუმენტები და ეროვნული კანონმდებლობა; მოწმე და დაზარალებული ბავშვის უფლებები; ბავშვის განვითარების მახასიათებლები, შესაძლებლობები და შეზღუდვები; მოწყვლადი და სპეციალური საჭიროებების მქონე ბავშვები; ბავშვზე მორგებული მართლმსაჯულება; ბავშვების დაკითხვა/გამოკითხვის პროცესის გაუმჯობესების გზები და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: თბილისის სააპელაციო, თბილისის, ქუთაისისა და რუსთავის საქალაქო, ზესტაფონისა და გორის რაიონული სასამართლოებიდან.
ტრენინგი მოსამართლეთა და სასამართლოს სხვა მოხელეთა გადამზადების 2025 წლის პროგრამით იყო გათვალისწინებული.
