მიმდინარე წლის 21 მარტს, იუსტიციის უმაღლეს სკოლაში, სასამართლოს მოხელეებისთვის ტრენინგი თემაზე: „შეზღუდული შესაძლებლობის მქონე პირებთან კომუნიკაციის სტანდარტები“ გაიმართა.
სემინარს უძღვებოდა ქართველი ექსპერტი.
დისკუსიის ფარგლებში მონაწილეებმა განიხილეს საკითხები: შეზღუდული შესაძლებლობის მქონე პირებთან ეფექტიანი კომუნიკაციის და ინტერაქციის მნიშვნელობა, არსებული სირთულეების იდენტიფიკაცია. სტიგმა და ფსიქიკური ჯანმრთელობის საკითხები; აქტივობა- ,, იარლიყის მიკვრა და სტიგმა შშმ პირებთან მიმართებით“; გავრცელებული დარღვევების ტიპები და მათი გამოვლინებები; შეზღუდული შესაძლებლობის მქონე არასრულწლოვანთან კომუნიკაციის სპეციფიკა ბავშვის საუკეთესო ინტერესის გათვალისწინებით; დაკითხვასთან დაკავშირებული საკითხები; სასამართლო პროცესზე შეზღუდული შესაძლებლობის მქონე პირებთან ურთიერთობის ეთიკა- ზოგადი წესები და რეკომენდაციები.
აღნიშნულ ღონისძიებაში მონაწილეობა მიიღეს სასამართლოს მოხელეებმა: თბილისის სააპელაციო და თბილისის საქალაქო სასამართლოებიდან.
ტრენინგი, 2026 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
