.jpeg)
მიმდინარე წლის 28 და 29 მარტს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვა“ გაიმართა.
სემინარს უძღვებოდა ქართველი მოსამართლე ტრენერი.
დისკუსიის ფარგლებში მონაწილეებმა განიხილეს საკითხები: არაადამიანური მოპყრობა, არასათანადო მოპყრობა და ოჯახში/სექსუალური ძალადობა; წამების აკრძალვა და არაადამიანური და ღირსების შემლახავი მოპყრობა, წამების აკრძალვა და პენიტენციური დაწესებულებები; მტკიცებულებების მოპოვება, ექსტრადიცია, დეპორტაციასა და გაძევებასთან დაკავშირებული სტანდარტები; წამების აკრძალვა და სახელმწიფოს პოზიტიური ვალდებულებები, კანონმდებლობა და სასამართლოს როლი წამების აკრძალვის სფეროში; ევროპული სასამართლოს მიერ საქართველოს წინააღმდეგ გამოტანილი გადაწყვეტილებების ანალიზი და სხვა.
ღონისძიებაში მონაწილეობა მიიღეს მოსამართლეებმა და სასამართლოს მოხელეებმა: თბილისის და ქუთაისის სააპელაციო, თბილისის საქალაქო, სენაკის, ხაშურის, მცხეთის, სიღნაღისა და თელავის რაიონული სასამართლოებიდან.
ტრენინგი 2026 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
