მიმდინარე წლის 2 და 3 მაისს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „გადაწყვეტილების დასაბუთება რელაციის პრინციპებით სამოქალაქო სამართალში“ გაიმართა.
ტრენინგს უძღვებოდა ქართველი მოსამართლე ტრენერი.
დისკუსიისა და ბრეინშტორმინგის ფარგლებში მონაწილეებმა განიხილეს საკითხები: გადაწყვეტილების მიღება და დასაბუთება რელაციის პრინციპებით პირველი ინსტანციის სასამართლოსთვის; მოთხოვნის დამფუძნებელი ნორმა და ამ ნორმის ქვეშ სუბსუმირებადი ფაქტობრივი გარემოებები; ფაქტების მითითება რომელიც ესადაგება ნორმის დისპოზიციის ელემენტებს და მათი შეფასება დაუსწრებელი გადაწყვეტილების მიღების დროს; მარტივი და კვალიფიციური შესაგებელი და მისი დასაშვებობა; შესაგებლის შემოწმების შედეგები; მტკიცების სტადია: მითითების ტვირთი და მტკიცების ტვირთი; პირველი ინსტანციის სასამართლოს გადაწყვეტილების სტრუქტურა და დასაბუთება; გადაწყვეტილების სამოტივაციო და სარეზოლუციო ნაწილი; გადაწყვეტილების სამოტივაციო და სარეზოლუციო ნაწილი და სხვა.
შეხვედრაში მონაწილეობა მიიღეს მოსამართლეებმა და სასამართლოს მოხელეებმა: საქართველოს უზენაესი სასამართლოს, თბილისის სააპელაციო, თბილისის და ქუთაისის საქალაქო, სოხუმისა და გაგრა-გუდაუთის, ზუგდიდის, ხაშურის, გორის, ბოლნისისა და თელავის რაიონული სასამართლოებიდან.
ტრენინგი, 2026 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
