მიმდინარე წლს 26 და 27 სექტემბერს, იუსტიციის უმაღლეს სკოლაში, მოსამართლეებისთვის ტრენინგი თემაზე: „მოსამართლის პროფესიული უნარები (მიკერძოება, კომუნიკაცია)“ გაიმართა.
სემინარს უძღვებოდნენ ქართველი მოსამართლე ტრენერები.
პრაქტიკული მაგალითების განხილვისას მონაწილეებმა განიხილეს შემდეგი საკითხები: რელიგიური მიკერძოება; ეროვნული მიკერძოება; გენდერის საფუძველზე მიკერძოება; ფსიქიკურ აშლილობასთან დაკავშირებული მიკერძოება; კომუნიკაცია თარჯიმნის საშუალებით, რომელიც სათანადოდ ვერ/არ ახორციელებს თავის ფუნქციას; კომუნიკაცია მხარესთან, რომელიც მკაფიოდ ვერ გამოხატავს საკუთარ აზრს და არ უსმენს მოსამართლეს; კომუნიკაცია სისხლის სამართლის პროცესზე აუტისტური სპექტრის მქონე პირის მონაწილეობით და სხვა.
შეხვედრაში მონაწილეობა მიიღეს მოსამართლეებმა: თბილისის საქალაქო, ხაშურის, გორისა და მცხეთის რაიონული სასამართლოებიდან.
ტრენინგი, 2026 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
