იუსტიციის უმაღლეს სკოლას და საქართველოს პარლამენტის ილია ჭავჭავაძის სახელობის ეროვნულ ბიბლიოთეკას შორის ურთიერთთანამშრომლობის მემორანდუმი გაფორმდა.
თანამშრომლობის ფარგლებში ეროვნული ბიბლიოთეკა და იუსტიციის უმაღლესი სკოლა ერთობლივად მიიღებენ მონაწილეობას სამეცნიერო კვლევების, კონფერენციებსა და დისკუსიების ორგანიზებაში, რაც კიდევ უფრო შეუწყობს ხელს სამეცნიერო-პრაქტიკული საქმიანობის განვითარებას სასამართლო კორპუსში.
ამასთან, იუსტიციის უმაღლესი სკოლა უსასყიდლოდ ისარგებლებს ეროვნული ბიბლიოთეკის საგამოფენო-საკონფერენციო დარბაზებით და ბიბლიოთეკათშორისი მომსახურების აბონემენტით, რაც საშუალებას მისცემს სკოლის მსმენელებს, მოქმედ მოსამართლეებს და სასამართლოს თანამშრომლებს გაეცნონ უახლეს იურიდიულ თუ სხვა სახის ლიტერატურას.
