2015 წლის 27 იანვარს, 19:00 საათზე, გაიმართება იუსტიციის უმაღლესი სკოლის დამოუკიდებელი საბჭოს სხდომა. სხდომა გაიმართება „მართლმსაჯულების სახლის“ შენობაში, ქ. თბილისი, აღმაშენებლის ხეივანი მე-10 კილომეტრი.
სხდომაზე განიხილება, იუსტიციის მსმენელთა XI ჯგუფის მსმენელთა დამამთავრებელი გამოცდის თარიღის განსაზღვრის, საგამოცდო და საპრეტენზიო კომისიების შემადგენლობის დამტკიცების და სკოლის მასწავლებელთა შრომის ანაზღაურების საკითხები. სხდომაზე, აგრეთვე განიხილება სკოლის სხვა ადმინისტრაციული საკითხები.
საჯარო სამართლის იურიდიული პირის - იუსტიციის უმაღლესი სკოლის წესდების მე-20 მუხლის მე-6 პუნქტის თანახმად, საპრეტენზიო კომისიის შემადგენლობა ანონიმურია. შესაბამისად, სხდომის ის ნაწილი, რომელზეც განიხილება საპრეტენზიო კომისიის შემადგენლობის დამტკიცების საკითხი, დახურულია.
დაინტერესებულ პირებს შეუძლიათ დაგვიკავშირდნენ. ტელ: (995 32) 2 370063
