30 აინვარს, იუსტიციის უმაღლესი სკოლის დირექტორმა ლაშა მაღრაძემ, 2014 წელს, იუსტიციის უმაღლესი სკოლის მიერ გაწეული საქმიანობის ანგარიში და 2015 წლის ძირითადი მიმართულებების შესახებ ინფორმაცია წარუდგინა საზოგადოებას.
გასული წლის განმავლობაში არაერთი მნიშვნელოვანი ნაბიჯი გადაიდგა იუსტიციის უმაღლესი სკოლის საქმიანობის ფარგლებში, მათ შორის უწყებას უკვე გააჩნია ევროკავშირის მხარდაჭერით შექმნილი სტრატეგიული განვითარების დოკუმენტი, სადაც ნათლად ჩანს უწყების პრიორიტეტული მიმართულებები.
მიმდინარე წელს პრიორიტეტებად კვლავ რჩება სამოსამართლო კანდიდატების სწავლების ვადის გაზრდა, სასწავლო პროგრამების განვითარება, სასამართლო კორპუსის პროფესიული ზრდის ფარგლებში სწავლებების განხორციელება სხვა თემებთან ერთად ისეთ მნიშვნელოვან საკითხებზე როგორიცაა: გენდერული თანასწორობა, ოჯახში ძალადობა, არასრულწლოვანთა მართლმსაჯულება, შშმ პირთა უფლებები და სხვა.
ღონისძიებას სასამართლო ხელისუფლების, საკანონმდებლო ორგანოს, საერთაშორისო და დონორი ორგანიზაციებისა და არასამთავრობო სექტორის წარმომადგენლები ესწრებოდნენ.
