სემინარი კიბერდანაშაულთან დაკავშირებულ საქმეებზე

კიბერდანაშაულთან დაკავშირებულ საქმეებზე სასამართლო გადაწყვეტილებების გამოტანის საკითხებზე ბათუმში, სასტუმრო „რედისონში“ 11-12 ივნისს, იუსტიციის უმაღლესმა სკოლამ სემინარი ჩაატარა. ღონისძიება განხორციელდა კომერციული სამართლის განვითარების პროგრამის (CLDP), აშშ-ის სავაჭრო დეპარტამენტის, აშშ-ის იუსტიციის დეპარტამენტის და     აშშ-ის საელჩო საქართველოში მხარდაჭერით.

სემინარზე მოწვეული ექსპერტები იყვნენ: ალენ ედგარი – მოსამართლე, მიჩიგანის დასავლეთ რაიონის რაიონული სასამართლო (აშშ), სეთ კოსტო – აშშ-ის სახელმწიფო პროკურორის თანაშემწე, აშშ-ის მასაჩუსეტსის ოლქის პროკურორის ოფისი და სტივენ ნეფი – რეზიდენტი მრჩეველი იურიდიულ საკითხებზე, აშშ-ის იუსტიციის დეპარტამენტი.

მონაწილეებს სიტყვით მიესალმა: ლაშა მაღრაძე – იუსტიციის უმაღლესი სკოლის დირექტორი; კატერინა ოსენოვა – მრჩეველი იურიდიულ საკითხებში (CLDP); სტივენ ნეფი –რეზიდენტი მრჩეველი იურიდიულ საკითხებზე, აშშ-ს იუსტიციის დეპარტამენტი.

ღონისძიების მონაწილეთათვის, საქართველოში კიბერდანაშაულის მარეგულირებელი საკანონმდებლო აქტების მიმოხილვა თბილისის საქალაქო სასამართლოს თავმჯდომარემ,  მამუკა ახვლედიანმა გააკეთა. სემინარზე განიხილეს აშშ-ის სისხლის სამართლის საქმეთა სამართალწარმოება, კიბერდანაშაულის გამოძიების სამართლებლივი ჩარჩო და კონვენცია კიბერდანაშაულის თაობაზე, ასევე, ძირითადი ასპექტები: კომპიუტერები, ქსელები და ინტერნეტი – კიბერდანაშაულთან დაკავშირებული საქმეების გამოძიების პროცესში ელექტრონული მტკიცებულებების მოძიება, კიბერდანაშაულთან დაკავშირებულ საქმეებზე სასამართლო გადაწყვეტილების გამოტანა, კიბერდანაშაულთან ბრძოლა აშშ-ში, ხოლო  საქართველოში – ძირითადი გამოწვევები და კონკრეტული საქმეები. სემინარზე საკმაოდ საინტერესო  დისკუსიებიც შედგა, რამაც თემის აქტუალურობას კიდევ ერთხელ გაუსვა ხაზი. 

საქართველოს მასშტაბით, ღონისძიებაში  24 მოსამართლე მონაწილეობდა.