მიმდინარე წლის 19-20 აპრილს, იუსტიციის უმაღლესი სკოლის დაარსების 12 წლის იუბილეს აღსანიშნავად გაიმართება საერთაშორისო კონფერენცია თემაზე: „თანამედროვე სამოსამართლო სწავლების გამოწვევები“.
საერთაშორისო კონფერენციაში ევროპის სხვადასხვა ქვეყნების სამოსამართლო სწავლების ინსტიტუციების წარმომადგენლებთან ერთად მონაწილეობას მიიღებენ „სამოსამართლო სწავლების ევროპული ქსელის (EJTN)“ გენერალური მდივანი და ბელგიის სამოსამართლოს წავლების ინსტიტუტის დირექტორი.
ღონისძიების გახსნაში მონაწილეობას მიიღებენ:
ღონისძიების ფარგლებში, მონაწილეებს მიეწოდებათ ინფორმაცია იუსტიციის უმაღლესი სკოლის განვითარებისა და მიღწევების შესახებ. ამავდროულად კონფერენციის ფარგლებში მონაწილეები სხვა საკითხებთან ერთად, ერთმანეთს გამოცდილებას გაუზიარებენ ისეთ თემებზე როგორიცაა: სამოსამართლო კანდიდატების მიღება და პროფესიაში შესვლა; სამოსამართლო კანდიდატების ხარისხიანი მომზადების მნიშვნელობა; ზღვარი სამართლებრივ და არასამართლებრივ სწავლებას შორის; დისტანციური სწავლების კომპონენტი.
იუსტიციის უმაღლესი სკოლა ერთადერთი ინსტიტუციაა საქართველოში, რომელიც ექსკლუზიურად უზრუნველყოფს სამოსამართლო კანდიდატების, სასამართლო მოხელეობის მსურველთა მომზადებას და მოქმედი მოსამართლეების, ისევე როგორც სასამართლო სისტემის სხვა თანამშრომელთა, პროფესიულ განვითარებას.
საერთაშორისო კონფერენცია ევროკავშირის მიერ მხარდაჭერილი პროექტის - ,,სამოსამართლო სწავლების ხელშეწყობა ტვინინგის პროექტის მეშვეობით“ და იუსტიციის უმაღლესი სკოლის თანამშროლობის ფარგლებში ხორციელდება.
ღონისძიების დაწყების დრო: 19 აპრილი - 10:00 საათი
ღონისძიების ადგილი: სასტუმრო „რედისონ ბლუ ივერია“, ვარდების რევოლუციის მოედანი #1, თბილისი
