19-20 აპრილს, იუსტიციის უმაღლესი სკოლის დაარსების 12 წლის იუბილეს აღსანიშნავად სასტუმრო „რედისონ ბლუ ივერია“-ში გაიმართა საერთაშორისო კონფერენცია თემაზე: „თანამედროვე სამოსამართლო სწავლების გამოწვევები“.
საერთაშორისო კონფერენციაში ლატვიის, საფრანგეთის, ხორვატიის, გაერთიანებული სამეფოს სამოსამართლო სწავლების ინსტიტუციების წარმომადგენლებთან ერთად მონაწილეობა მიიღეს „სამოსამართლო სწავლების ევროპული ქსელის (EJTN)“ გენერალურმა მდივანმა და ბელგიის სამოსამართლო სწავლების ინსტიტუტის დირექტორმა.
ღონისძიება გახსნეს და მონაწილეებს მიესალმნენ:
კონფერენციის ფარგლებში, მონაწილეებს მიეწოდებათ ინფორმაცია იუსტიციის უმაღლესი სკოლის განვითარებისა და მიღწევების შესახებ. ამავდროულად ღონისძიების ფარგლებში მონაწილეებმა სხვა საკითხებთან ერთად, ერთმანეთს გამოცდილება გაუზიარეს ისეთ თემებზე როგორიცაა: სამოსამართლო კანდიდატების მიღება და პროფესიაში შესვლა; სამოსამართლო კანდიდატების ხარისხიანი მომზადების მნიშვნელობა; ზღვარი სამართლებრივ და არასამართლებრივ სწავლებას შორის; დისტანციური სწავლების კომპონენტი.
საერთაშორისო კონფერენცია ევროკავშირის მიერ მხარდაჭერილი პროექტის - ,,სამოსამართლო სწავლების ხელშეწყობა ტვინინგის პროექტის მეშვეობით“ და იუსტიციის უმაღლესი სკოლის თანამშრომლობის ფარგლებში განხორციელდა.
კონფერენციის ფარგლებში გამოყენებული პრეზენტაციები