იუსტიციის უმაღლესი სკოლა უზრუნველყოფს კურიკულუმის შექმნას ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვის თემაზე. პროცესი ხორციელდება გაეროს ადამიანის უფლებათა დაცვის უმაღლესი კომისრის ოფისის (OHCHR) მხარდაჭერით. კურიკულუმის შემუშავების პროცესში ჩართული არიან ქართველი მოსამართლე-ტრენერები და ადამიანის უფლებათა დაცვის უმაღლესი კომისრის ოფისის ექსპერტი.
15 ნოემბერს, ქართველი მოსამართლე-ტრენერებისთვის გაიმართა ტრენერთა ტრენინგი კურსის შინაარსობრივ ნაწილთან დაკავშირებით, რომელსაც ადამიანის უფლებათა დაცვის უმაღლესი კომისრის ოფისის ექსპერტი, ბესარიონ ბოხაშვილი უძღვებოდა.
კურიკულუმი გამოყენებული იქნება „მოსამართლეთა და სასამართლოს სხვა მოხელეთა გადამზადების პროგრამის“ ფარგლებში. აღნიშნულ თემაზე ტრენინგს, კურიკულუმის შემუშავების პროცესში ჩართული, ქართველი მოსამართლე-ტრენერები უახლოეს მომავალში ჩაატარებენ.
