17-18 მარტს, იუსტიციის უმაღლესი სკოლისა და გაეროს ქალთა ორგანიზაციის (UN Women) თანამშრომლობის ფარგლებში, კახეთში მოსამართლეთათვის გაიმართა ტრენინგი თემაზე: „ქალთა მიმართ ძალადობა და ოჯახში ძალადობა“.
ღონისძიებას უძღვებოდნენ ის ტრენერი/ექსპერტები, რომლებიც ზემოაღნიშნულ თემაზე სასწავლო კურიკულუმის შემუშავების პროცესში იყვნენ ჩართულები, კერძოდ: თბილისის სააპელაციო სასამართლოს მოსამართლეები: ნათია ბარბაქაძე და გიორგი ტყავაძე.
კურიკულუმი ევროპის საბჭოს (CoE) პროექტის „იუსტიციის უმაღლესი სკოლის შესაძლებლობების გაძლიერება“ და გაეროს ქალთა ორგანიზაციის (UN Woman) თანამშრომლობის ფარგლებში შემუშავდა.
ღონისძიებაში მონაწილეობა მიიღეს მოსამართლეებმა: თბილისის სააპელაციო, თბილისისა და რუსთავის საქალაქო, სოხუმისა და გაგრა-გუდაუთის, ზესტაფონისა და მცხეთის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
