17-18 მარტს, იუსტიციის უმაღლეს სკოლაში სასამართლოს მოხელეებისთვის გაიმართა ტრენინგი თემაზე: „სამოქალაქო სამართალწარმოების აქტუალური საკითხები“.
სემინარზე ექსპერტად მოწვეული იყო თბილისის სააპელაციო სასამართლოს მოსამართლე დიანა ბერეკაშვილი.
ღონისძიებაში მონაწილეობა მიიღეს სასამართლოს მოხელეებმა: საქართველოს უზენაესი სასამართლოს, თბილისის სააპელაციო, თბილისის საქალაქო და ბოლნისის რაიონული სასამართლოებიდან.
ტრენინგი, 2018 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
