12 და 13 დეკემბერს, იუსტიციის უმაღლესი სკოლის ორგანიზებით, წყალტუბოს რეგიონალურ სასწავლო ცენტრში მოსამართლეთა თანაშემწეებისთვის გაიმართა ტრენინგი თემაზე: „ეფექტური კომუნიკაცია; კომუნიკაციის სტანდარტები“.
ტრენინგს უძღვებოდნენ: იუსტიციის უმაღლესი სკოლის სასწავლო პროგრამების მართვის სექტორის უფროსი სოფიო წიკლაური და თბილისის სააპელაციო სასამართლოს ბიუროს უფროსი უჩა თოდუა.
ღონისძიების ფარგლებში, სხვა საკითხებთან ერთად მონაწილეებმა განიხილეს: კომუნიკაციის ძირითადი ასპექტები; ნდობის მოპოვების ხერხები; მოქალაქეების დახვედრისა და მიღების სტანდარტები; მოქალაქეებთან მომსახურების სტანდარტები; სხვადასხვა ტიპის მოქალაქეებთან კომუნიკაციის სპეციფიკა; სასამართლო სისტემაში არსებული კომუნიკაციის თავისებურებანი. სატელეფონო მომსახურების ტექნიკები; ონლაინ კომუნიკაციის სპეციფიკა და არავერბალური კომუნიკაცია და მისი როლი კომუნიკაციის პროცესში.
ტრენინგში მონაწილეობა მიიღო 17-მა მოსამართლის თანაშემწემ: ქუთაისის სააპელაციო და ბათუმის საქალაქო სასამართლოებიდან.
ტრენინგი 2015 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
