16-17 და 18-19 მაისს, იუსტიციის უმაღლეს სკოლაში, ევროპის საბჭოს (CoE) მხარდაჭერით, მოსამართლეთათვის და მოსამართლის თანაშემწეებისთვის გაიმართა ტრენინგი თემაზე: „დისკრიმინაციის აკრძალვა-შიდა კანონმდებლობა და საერთაშორისო სტანდარტები“.
სემინარზე ექსპერტებად მოწვეული იყვნენ: ევროსაბჭოს ექსპერტი დისკრიმინაციის აკრძალვის საკითხებში ივანა როანა, თბილისის სააპელაციო სასამართლოს მოსამართლე ქეთევან მესხიშვილი და ექსპერტი/თბილისის სააპელაციო სასამართლოს ყოფილი მოსამართლე ირაკლი ადეიშვილი.
ღონისძიებაში მონაწილეობა მიიღო 21-მა მოსამართლემ და მოსამართლის თანაშემწემ: თბილისის სააპელაციო, თბილისის, ბათუმის, ქუთაისისა და რუსთავის საქალაქო, ზუგდიდის, ახალციხის, გორის, ბოლნისის, სიღნაღისა და გურჯაანის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
