20 მაისს, იუსტიციის უმაღლესი სკოლის დირექტორმა ლაშა მაღრაძემ და იუსტიციის უმაღლესი სკოლის ადმინისტრაციის წარმომადგენლებმა, ლატვიის რესპუბლიკის იუსტიციის მინისტრს დზინტარს რასნაჩს და ლატვიის რესპუბლიკის იუსტიციის სამინისტროს წარმომადგენლებს უმასპინძლეს.
სტუმრებმა დაათვალიერეს იუსტიციის უმაღლესი სკოლის სათაო ოფისში არსებული სასწავლო ოთახები, იმიტირებული სასამართლო პროცესების სხდომათა დარბაზი, სკოლის ბიბლიოთეკა და გაეცნენ იუსტიციის უმაღლესი სკოლის საქმიანობას.
მხარეებმა მომავალი თანამშრომლობის შესახებ იმსჯელეს.