2 ივლისს, იუსტიციის უმაღლესი სკოლისა და გაეროს ადამიანის უფლებათა დაცვის უმაღლესი კომისრის ოფისის (OHCHR) თანამშრომლობის ფარგლებში ბათუმში სასტუმრო „Hilton Batumi“-ში ჩატარდა „სპეციალური სასწავლო კურსი ჟურნალისტებისთვის სამართლებრივ საკითხებზე“. კურსის მიზანია საქართველოში ჟურნალისტთა სამართლებრივი ცნობიერების ამაღლება.
სპეციალური კურსი მოიცავს სამართლის იმ სფეროებსა და თემებს, რომლებიც ჟურნალისტების ჩართულობით იქნა იდენტიფიცირებული. კურსის შემუშავების პროცესში მონაწილეობა მიიღეს, როგორც ქართველმა ასევე გერმანელმა მოსამართლე-ექსპერტებმა. კურსი, იუსტიციის უმაღლესმა სკოლამ გერმანიის საერთაშორისო თანამშრომლობის საზოგადებასთან (GIZ) თანამშრომლობით შეიმუშავა.
კურსის პირველი ნაწილი - სისხლის სამართლის მიმართულებას დაეთმო. მეორე ნაწილი, რომელიც მოგვიანებით ჩატარდება, მოიცავს: ადმინისტრაციულ და კონსტიტუციურ სამართალს, ადამიანის უფლებებს და საქართველოს კანონს „საერთო სასამართლოების შესახებ“.
კურსის სრულად გავლის შემდგომ მონაწილეებს გადაეცემათ სპეციალური სერთიფიკატები.