8-9 ივლისს, იუსტიციის უმაღლეს სკოლაში, გერმანიის საერთაშორისო თანამშრომლობის საზოგადოებისა (GIZ) და პროექტის - „კანონის უზენაესობის მხარდაჭერა საქართველოში“ (USAID/PROLOG) მხარდაჭერით მოსამართლეთათვის იმართება სპეციალური სასწავლო კურსის - „საკორპორაციო/სამეწარმეო სამართალი“ პირველი ნაწილი.
კურსის ექსპერტები არიან: საქართველოს უზენაესი სასამართლოს მოსამართლე ნინო ბაქაქური, ფორდჰემის უნივერსიტეტის სამართლის სკოლის (აშშ) ასოცირებული პროფესორი მარტინ გელტერი და თბილისის საარბიტრაჟო ინსტიტუტის თავმჯდომარის მოადგილე ლაშა ცერცვაძე.
კურსში მონაწილეობას იღებს 24 მოსამართლე: საქართველოს უზენაესი, თბილისისა და ქუთაისის სააპელაციო, თბილისის, ბათუმის, ქუთაისისა და რუსთავის საქალაქო და მცხეთის რაიონული სასამართლოებიდან.
მიმდინარე წლის განმავლობაში, მოსამართლეთა ჯგუფის იგივე შემადგენლობისთვის იგეგმება სპეციალური სასწავლო კურსის „საკორპორაციო/სამეწარმეო სამართალი“ მომდევნო ორი ეტაპის განხორციელება.
