8-9 ივლისს, იუსტიციის უმაღლეს სკოლაში, გერმანიის საერთაშორისო თანამშრომლობის საზოგადოების (GIZ) მხარდაჭერით მოსამართლეთათვის ჩატარდა ტრენინგი თემაზე: „საკუთრების სამართალთან დაკავშირებული საკითხები (მიწის დავებთან დაკავშირებული პრობლემატური საკითხები; უძრავი ქონების რეგისტრაციასთან დაკავშირებული დავები) “.
სემინარზე ექსპერტებად მოწვეული იყვნენ: საქართველოს უზენაესი სასამართლოს მოსამართლე მაია ვაჩაძე და თბილისის სააპელაციო სასამართლოს მოსამართლე ნინო ქადაგიძე.
ტრენინგში მონაწილეობა მიიღო 14-მა მოსამართლემ: ქუთაისის სააპელაციო, თბილისის, ქუთაისისა და რუსთავის საქალაქო, გურჯაანის, თელავის, ბოლნისის, ხაშურისა და სოხუმისა და გაგრა-გუდაუთის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
