16 და 17 ივლისს, იუსტიციის უმაღლესი სკოლის, ბათუმის რეგიონულ სასწავლო ცენტრში, მოსამართლეთათვის გაიმართა ტრენინგი თემაზე: „საქართველოს საკონსტიტუციო სასამართლოს მიერ მიღებული მნიშვნელოვანი გადაწყვეტილებები (პრეცედენტები)“.
ტრენინგზე ექსპერტად მოწვეული იყო საქართველოს საკონსტიტუციო სასამართლოს მოსამართლე მაია კოპალეიშვილი.
ღონისძიებაში მონაწილეობა მიიღო 14-მა მოსამართლემ: ბათუმისა და ფოთის საქალაქო, ხელვაჩაურის, ზუგდიდის, ზესტაფონის, ცაგერისა და საჩხერის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.