2016 წლის 20 სექტემბერს იუსტიციის უმაღლეს სკოლას ეწვია ევროპის საბჭოს პროექტის - „იუსტიციის უმაღლესი სკოლის შესაძლებლობების გაძლიერება“ მენეჯერი - ოქსანა გუტუ. პროექტის მენეჯერს იუსტიციის უმაღლესი სკოლის დირექტორმა ლაშა მაღრაძემ უმასპინძლა.
ვიზიტის მიზანი იყო ევროპის საბჭოს ოფისის მიერ, იუსტიციის უმაღლესი სკოლისთვის პროექტის მენეჯერის წარდგენა, კონკრეტული გეგმების გაცნობა და პროექტის განხორციელების აქტიური ფაზისთვის მომზადება.
იუსტიციის უმაღლესი სკოლის დირექტორმა სტუმარს გააცნო სკოლის საქმიანობის ძირითადი მიმართულებები, სასწავლო სისტემა და სამომავლო გეგმები. შეხვედრის შემდგომ, პროექტის მენეჯერმა დაათვალიერა იუსტიციის უმაღლესი სკოლის შენობა - სასწავლო სივრცე, იმიტირებული სასამართლო პროცესების სხდომათა დარბაზი და იურიდიული ბიბლიოთეკა.
