მიმდინარე წლის 1-2 ოქტომბერს, იუსტიციის უმაღლესმა სკოლამ მიგრაციის საერთაშორისო ორგანიზაციასთან (IOM) თანამშრომლობით, ბათუმის რეგიონულ სასწავლო ცენტრში მოსამართლეთათვის გამართა ტრენინგი თემაზე: „მიგრანტთა უკანონო გადაყვანა საზღვარზე“.
სემინარზე ექსპერტებად მოწვეული იყვნენ: ბათუმის საქალაქო სასამართლოს თავმჯდომარე დავით მამისეიშვილი და ინტეგრირებული საზღვრის მართვის სისტემის სპეციალისტი მარკ რიჩმონდი.
ტრენინგში მონაწილეობა მიიღო 10-მა მოსამართლემ: თბილისის სააპელაციო, თბილისის, ბათუმის, ფოთის საქალაქო და ხელვაჩაურის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.