26 და 27 ნოემბერს, კახეთში, ლოპოტას ტბაზე, იუსტიციის უმაღლესი სკოლისა და გერმანიის საერთაშორისო თანამშრომლობის საზოგადოების (GIZ) მხარდაჭერით, მოსამართლეთათვის გაიმართა ტრენინგი თემაზე: „საკუთრების სამართალთან დაკავშირებული საკითხები (მიწის დავებთან დაკავშირებული პრობლემატური საკითხები; უძრავი ქონების რეგისტრაციასთან დაკავშირებული დავები)“.
სემინარზე ექსპერტებად მოწვეული იყვნენ: საქართველოს უზენაესი სასამართლოს მოსამართლე მაია ვაჩაძე და თბილისის სააპელაციო სასამართლოს მოსამართლე ნინო ქადაგიძე.
ღონისძიებაში მონაწილეობა მიიღო 15-მა მოსამართლემ: თბილისის სააპელაციო, თბილისის და რუსთავის საქალაქო, სამტრედიის, თეთრიწყაროსა და გურჯაანის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
.jpg)
