24-25 დეკემბერს, გუდაურში, იუსტიციის უმაღლესმა სკოლამ პროექტთან - „კანონის უზენაესობის მხარდაჭერა საქართველოში“ (PROLOG) თანამშრომლობით, მოსამართლეთათვის გამართა ტრენინგი თემაზე: „სასამართლო ეთიკის სიღრმისეული კურსი“. ტრენინგი შესაბამის თემაზე შემუშავებული კურუკულუმის გამოყენებით პირველად ჩატარდა.
ღონისძიება კურიკულუმის შემუშავების პროცესში ჩართულმა ექსპერტებმა ჩაატარეს. კერძოდ, ტრენინგს უძღვებოდნენ: თბილისის სააპელაციო სასამართლოს მოსამართლეები: თამარ ზამბახიძე და ქეთევან მესხიშვილი, თბილისის სააპელაციო სასამართლოს ყოფილი მოსამართლე/ექსპერტი ირაკლი ადეიშვილი და თბილისის სააპელაციო სასამართლოს ყოფილი მოსამართლე/ილიას სახელმწიფო უნივერსიტეტის ლექტორი ლაშა კალანდაძე.
ტრენინგში მონაწილეობა მიიღო 16-მა მოსამართლემ: თბილისის სააპელაციო, თბილისის საქალაქო, სოხუმისა და გაგრა-გუდაუთის, ზესტაფონისა და ახალქალაქის რაიონული სასამართლოებიდან.
ტრენინგი 2016 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.