15-17 მაისს, იუსტიციის უმაღლესი სკოლისა და გერმანიის საერთაშორისო თანამშრომლობის საზოგადოების (GIZ) თანამშრომლობის ფარგლებში, იუსტიციის უმაღლესი სკოლის მასწავლებელთა საბჭოს წევრებისა და მენეჯმენტის წარმომადგენლებისთვის გაიმართა ტრენერთა ტრენინგის ბოლო ეტაპი თემაზე: „ზრდასრულთა განათლების მეთოდოლოგია“.
ტრენინგს უძღვებოდა გერმანიის საჯარო მოხელეთა ასოციაციის აკადემიის ხელმძღვანელი ჰანს რიგერი. ტრენინგების ფარგლებში, მონაწილეებმა გაიარეს სიღრმისეული პრაქტიკული სწავლება ზრდასრულთა განათლების მეთოდოლოგიასა და მის თანამედროვე მიდგომებზე.
ტრენინგების ციკლის დასრულების შემდგომ, განხორციელდება მონაწილეთა საერთაშორისო სერტიფიცირება.